Lìssia e pan: dale done staghe lontan.
Chi ara fondo guadagna on mondo.
Bone parole e cativi fati ingana savi e mati.
Chi sta soto la napa del camin sa da fumo o da agrin.
Se te ghe na bruta mojere, va in leto al scuro.
Co' ghe n'è massa le cioche se beca.
Chi che paga avanti el trato, servizio mal fato.
I oci del spazacamin xe senpre bianchi.
Ale làgreme de on erede xe mato chi che ghe crede.
Al son de la canpana (schei) ogni dona se fa putana.
Dopo i Santi, fora el tabaro e anca i guanti.
A 'la Salute se veste le bele pute. (21/11)
A San Belin el jazo sol caìn. (12/10)
Le mosche le va drio ai cavai magri.
Co la caveza se liga i cavai, co la parola i òmani.
I schei vien de passo e i va al galopo.
A San Pelegrin, poca paja e poco vin. (5/5)
Co le done e co le merde se barufa a po' se perde.
Vòltate indrio e te ghe ne vedarè de pezo.
Chi che varda i fati di' altri i sui ghe va da malo.
Xe pì fadiga tasére che parlare.
A San Matìo el primo tordo xe mio.
Aqua de Aprile, fromento sol barile.
Quando la merda varà calcossa, i poariti nassarà senza buso del culo.
Chi fida nel loto no magna de coto.
El prezo no lo fà l'aventore.
Par tuti i Santi, manegoti e guanti.
La morte xe senpre pronta, come le tole dei osti.
La boca no xe straca se prima no la sa de vaca.
Dopo i Santi, fora el tabaro e anca i guanti.
I nostri veci ga magnà i canpi e i ne ga assà i proverbi.
Chi che ga santoli ga buzolà.
De Novenbre, quando tona xe segnal de anata bona.
De la Salute meti le maneze ale pute.
El pare fà la roba, i fioi la vende.
Scarpe grosse e marìo bruto, va tranquila dapartuto.
El primo ano se ghe vole tanto ben che la se magnaria, el secondo se se ciama grami de no verla magnà.
Bivi el vin e lassa l'aqua al mulin.
Dele volte na busia salva la verità.